NORMALIZACIÓN LINGÜÍSTICA

2012-02-13T01:20:00.000-08:00

2012-01-11T01:41:00.000-08:00

CONCURSO "NAMÓRAME EN GALEGO"

Cartas, poemas, narracións, debuxos, slogans, diálogos, SMSs, manualidades... e todo o que se che ocorra que teña relación co amor e a amizade.

Recollida de traballos ata o 15 de febreiro.

¡ÁNIMO, a imaxinación non ten cancelas!

Feliz Nadal

2011-12-15T09:10:00.000-08:00

Recetario

2011-12-05T11:29:00.000-08:00

Open publication - Free publishing - More cuarto

2011-11-28T01:40:00.000-08:00

RELACIÓN de premiados no concurso:

Mellor narración (Secundaria):Fátima Iglesias Pérez
Mellor narración (Primaria): Lorena Boimorto Blanco
Mellor poesía (Primaria): Kevin Viéitez Martínez
Mellor Manualidade: 1º curso de Primaria (caras arcimboldianas)
Mellor traballo de investigación: 4º de Primaria(Recetario)
Mellor Debuxo: Infantil 5 anos A (Halloween)

2011-11-17T04:32:00.000-08:00

2011-11-04T02:43:00.000-07:00

NARRACIÓNS PRESENTADAS PARA "OUTONANDO"

Era Halloween e os rapaces debuxaron nunha cartolina xigantesca a sombra de alguén agochado tras uns arbustos. Colocarán as cousas antes de timbrar na porta e despois correrán á velocidade da luz…agardarán dous segundos e despois Jean manexará
o morcego de maneira que sobrevoe por enriba da cartolina. Xusto despois escoitarase o CD do moucho e os lobos…
Ha de ser unha escena espantosa”

CLAUDIA ESCAPA ÁLVAREZ (2ºESO)

“ Era unha noite arrepiante: mouchos e bruxas rondaban o pobo. Todo o mundo estaba gardado na súa casa a porta pechada. Era Samaín, pero Pablo decidiu, tras moito cavilar, asomar o seu fuciño e …zas!
Alguén arrincou con el sen mediar palabra. Sen saber moi ben como atopouse só e a escuras rodeado dun valado inmenso. Tentou rubir. Misión imposible. Fallábanlle as forzas… De repente escoitou:
-Ai, Pabliño, Pabliño. Ti non eras o que non tiña medo a nada?
……Era a Santa Compaña, que andaba a visitar aos máis valentes”

ELENA VALCÁRCEL CAO(2ºESO)

“Despois oíu un ruído no soto da casa e baixou. Outra vez puido ver aquela sombra. Quedouse plantada no chan e escoitou de novo aqueles pasos. A música seguía posta…Comezou a berrar e subiu correndo á súa habitación, pechou a porta e meteuse debaixo da cama. Alguén comezou a petar, pero ela non abriu. Pouco despois no chan atopou unha nota que dicía: VOLVEREI”

FÁTIMA IGLESIAS PÉREZ(3ºESO)

“…Acocheime nunha esquina do sofá e quedei durmida. Unha hora máis tarde espertei…Tivera un pesadelo. Erguínme e quedei paralizada de asombro: todas as luces da casa estaban apagadas… e o televisor… tamén se apagara só!
Dei a volta,crendo que había alguén detrás de min.Nada. A estancia estaba escura coma a boca dun lobo. De súpeto puiden ver unha sombra iluminada polas farolas da rúa . Afoguei un berro e camiñei con cautela, ao mesmo tempo que preguntei cun fiiño de voz:
- Hai alguén aí?
JANET MONTEIRO ROCHA (3ºESO)

“…De repente escoitei pasos escaleiras arriba que se achegaban cada vez mais…, cada vez máis. Quedábanlle cinco, catro tres… chanzos para chegar á porta. Oín como entraba na habitación de meus pais e percibín por debaixo da miña porta, coa luz prendida, como aquela sombra se movía lentamente. Déronme ganas de tusir e, ao facelo, escoitei pasos rápidos e nerviosos avanzando escaleiras abaixo…
Non sei que pasou despois. Só me lembro de espertar confuso, cavilando se o que pasara aquela noite puidese ser certo ou produto da miña imaxinación”

LAURA MOSQUERA(2º ESO)

“..As pernas comezaron a tremerme e non sabía que facer. Eu non sei se era produto da miña imaxinación ou por causa da chuvia, pero aquel regato levaba auga demais. Sentín unhas mans nas costas e, ao querer xirarme, empurrábanme cara o regato. Empecei a tragar auga, quería saír… Non podía!!
Só puiden decatarme de que era alguén a quen lle falataba o dedo índice dunha man. Dende entón ándoa buscando e non penso deixar de facelo ata atopala.”

Mª JOSÉ PÉREZ SAS (3ºESO)

2011-10-11T01:58:00.000-07:00

CONVOCATORIA DO CONCURSO“OUTONANDO”

¿Queres participar?

Podes presentar poemas, refráns, debuxos, manualidades, lendas ou relatos que teñan como tema o Outono, os seus productos ou as súas festas (Samaín, Magostos...)

Remata o prazo o día 20 de Novembro.

¡Os mellores serán premiados!

2011-09-22T10:55:00.000-07:00

2011-09-21T10:03:00.000-07:00

Un curso máis a comezar e novos ánimos para continuar nesta nosa tarefa.
A nova tempada comeza con recortes de todo tipo, pero tentaremos estar á altura. É moi importante manter a cabeza ergueita pola defensa da nosa lingua. ÁNIMO

2011-06-30T05:36:00.000-07:00

Enlace Furafollas 2011 http://issuu.com/verdeal/docs/furafollas2011

Axenda cultural fin de curso

2011-06-22T08:19:00.000-07:00

Open publication - Free publishing - More galego

O concello prestounos o auditorio de Cambeo para as representacións teatrais. Fumos en dúas quendas, primeiro o 2º e 3º ciclo de Primaria e hora e media máis tarde Secundaria. O estreno foi todo un exitazo.

2011-06-16T05:43:00.000-07:00

Día 15 de xuño, visitou o centro MANOLO FIGUEIRAS, ilustrador.

QUEN É?

-Naceu en México, de pai catalán e nai galega. Cando tiña cinco aniños volta a vivir a aldea de Cambeo, onde pasa a maior parte da súa nenez.
-Estudou en Madrid na Escola de Artes Aplicadas e, Historia da Arte, en Compostela. Agora é profesor de instituto,
- Como artista, a súa actividade fundamental é a pintura, aínda que tamén se adicou á escultura, escenografía e ilustración.
- Fixo exposicións en Ourense, Pontevedra, Madrid...

Que ben, saber que alguén de aquí segue a estela da creatividade.!!
Quen sabe?...Se cadra algún de vós tamén ten un artista dentro e quizais un día nos veña visitar

Ás 13 horas Secundaria
Ás 10:30 Primaria
Lugar: aula de Plástica

2011-06-09T02:18:00.000-07:00

Dende o luns 6 de xuño está a venda a nosa revista na secretaría do colexio. Este ano houbo moita participación e quedaron aínda traballos sen publicar a última hora pola necesidade de axustarnos ao pre suposto. Estará ampliada na publicada na páxina web do centro.

O FURAFOLLAS

É o Furafollas
unha revista singular
onde podes atopar
historias sen igual

Terás unha portada
cun lema sen par,
seguirás con pasatempos,
debuxos e poemas a rabiar,

chistes divertidos
que nunca esquecerás,
complexos xeroglíficos
que terás que averiguar.

Sara, María e Rocío
este poema fixeron,
dálle a cada unha un euriño
para que vexan que na revista llo puxeron.
SARA, MARÍA e ROCÍO. ( 6º PRIMARIA)

2011-06-02T02:31:00.000-07:00

LOIS PEREIRO

Na entrada ás clases hai dous grandes carteis adicados aos poemas de Lois para que todo o mundo teña a oportunidade de ler a súa magnífica poesía.

2011-06-02T02:20:00.000-07:00

A Compañía de Títeres "A xanela do maxín" estivo representando a súa obra "Contos dende a xanela" o día 30 de Maio.

2011-05-31T00:31:00.000-07:00

AXENDA CULTURAL “ FIN DE CURSO 2011”

Semana do 30 de maio ao 3 de xuño

Teatro de títeres “A xanela do Maxín”

(Infantil e 1º ciclo de Primaria)

Semana do 6 ao 10 de xuño

Edición e venta da revista “Furafollas 2011”

Semana do 13 ao 17 de xuño

Día 15 conferencia do escritor e debuxante Manolo Figueiras (artista de Cambeo)

( Secundaria, 2º e 3º ciclo de Primaria).

Semana do 20 ao 23 de xuño

Representacións teatrais de “Mulleres Científicas” e A bifidada” polo alumnado de ESO

(Secundaria, Primaria)

2011-05-19T03:20:00.000-07:00

CORRELINGUA 2011

Este curso, como nos anteriores, participamos nesta gran festa da Lingua Galega: fixemos pancartas, lemas e a novedade do Galeoke.

2011-05-13T11:00:00.000-07:00

ALUMNOS DO COLEXIO PREMIADOS

Dous alumnos foron premiados estes días por diferentes motivos. Raúl Iglesias foi o campión galego de Orientación Deportiva escolar. Agora vén de participar no campionato nacional en Mérida.

E a outra premiada foi Andrea Pérez que mentras estaba convaleciente na Residencia Sanitaria participou no concurso "As mans limpas salvan vidas"resultando ser a vencedora.

2011-04-28T03:28:00.000-07:00

CONVIVENCIA ENTRE CPIs

Xa hai anos que vimos mantendo esta relación. Empezou co Deporte Escolar e máis tarde foise ampliando ao Equipo de Normalización Lingüística (agora chamado de Dinamización coma se xa estivera normalizado o uso do galego). Este ano, ademáis de compartir actividades cando veñen conferenciantes ou compañías de teatro... programamos unhas sesións de contacontos ou conta chistes que resultaron moi divertidas e interesantes. Aquí démonos de conta que o alumnado de Cea ten o uso do galego moito máis normalizado que o noso e que este tipo de actividades non somente serve para pasar un rato agradable senón tamén para a relación e a convivencia entre eles, pois notamos que no deporte hai moita rivalidade.

En definitiva, unha experiencia positiva que repetiremos en vindeiros anos.

2011-04-28T03:19:00.000-07:00

TIVEMOS VISITA

O día 27 de abril tivemos a visita de Anxo Fariña, un autor ilustrador que nos falou do seu traballo. Nos xa leramos o libro dos Megatoxos e foi divertido ver como debuxaba aos seus protagonistas. Xuntámonos os alumnos de 5º e 6º nunha clase de 5º e na pizarra branca ía debuxando os personaxes. Tamén nos debuxou a unha compañeira coma se fose un megatoxo máis.

2011-03-24T04:56:00.001-07:00

ÁNIMO COMPAÑEIROS, XA ESTAMOS NA TERCEIRA AVALIACIÓN E XA SE VE A LUZ DO VERÁN.

E XA SABEDES A REVISTA “FURAFOLLAS” ESTA AGARDANDO POLOS VOSOS TRABALLOS: historias, contos, refráns e ditos, pasatempos, debuxos, comics…e todo aquello que se vos ocurra e poida caber nunha revista.

AGARDAMOS IMPACIENTES A VOSA CREATIVIDADE E A VOSA CIENCIA

Remata o prazo o 30 de Abril.

2011-03-17T04:10:00.000-07:00

PREMIOS concurso “palabras para namorar” SECUNDARIA: Tamara González Smith (3º ESO) PRIMARIA- Narrativa: Celia Guzmán (6º Curso) Orixinalidade: 5º Curso (colectivo) Premio de investigación: 3º Curso (Colectivo) Premio ao esforzo: Rubén Carballo (2ºESO B)

2011-02-28T03:19:00.000-08:00

POLO SIMPLE FEITO DE SERES TI
Sabes que neses entres eras ti a única persoa que podía facerme rir, polo simple feito de seres ti. Pero sabes que é o que máis boto de menos?. Sábelo? O teu sorriso, as túas palabras, a túa mirada. Cando me botabas a lingua entre os dentes . Cando mirando aos ollos me dicías:” Somos únicos”. Cando me facías cóxegas. Cando estabamos coma o can e o gato. Cando me chiscabas o ollo. Cando me facías rir ata chorar. Cando me dabas aqueles abrazos que semellaban eternos. Cando me dicías aqueles “ quérote”....
Sempre .

DEBORAH ( 3º ESO A)

2011-02-24T03:33:00.000-08:00

PÍDOLLE...
Pídolle ao sol que saia á luz todos os días. Pídolle ás flores que abran un día antes. Pídolle á choiva que se presente abraiante tras longos días de sequía. Pídolle aos paxaros que me indiquen o camiño da liberdade. Pídolle aos prados que sexan interminables. Pídolle á música novas melodías. Pídolle ao ceo infinito que vista de azul. Pídolle á lúa a súa petrante mirada. Pídolle ás árbores que me protexan coa súa verde ramaxe. Pídolles ás nubes que saiban tan doces coma o mel. Pídolle á xente a súa imperfección máis perfecta. Pídolle ao mar que me relaxe co seu peculiar son. Pídolle ao vento que sopre suavemente sobre a miña pel fráxil. Pídolles aos sorrisos que deixen a súa timidez fuxir.
Pídoche, meu corazón, amala máis cada día.
TAMARA GONZÁLEZ SMITH (3º ESO A)

2011-02-23T01:41:00.000-08:00

BICOS XEADOS

A brisa nocturna abriu a fiestra. Unha sombra ocultou a lúa. Sentín frío baixo as mantas. Volvínme na cama. Os seus brazos arrodeáronme. Apretoume contra o seu peito e bicoume. A pesar da frialdade do seu tacto, as súas caricias queimábanme a pel. O meu corpo arqueouse involuntariamente do pracer que me producía o seu contacto. Cubriume de bicos xeados mentres as súas mans percorrían cada centímetro da miña pel.
(...)
Chegou o amencer. Os primeiros raios de sol golpeáronme o rostro. Abrín os ollos somnolenta cos recordos da noite anterior amontoándose na miña cabeza. Baixei almorzar. Pasei distraidamente os dedos polo pasamáns acariñando a superficie lisa da varanda mentres baixaba as escaleiras. Cheguei á cociña e decidínme por algo doce: torradas con mermelada. Mirei o calendario que colgaba da parede: era catorce de febreiro, o día en que se adoraba ao deus pagán Eros e os homes e mulleres agasallaban ás súas parellas con rosas e bombóns. A música de Aquelarre soaba na habitación:
“ Muéstrame tu cuello y deja que mis colmillos rompan la piel...”

LUCÍA SURRIBAS ( 4º ESO A)

2011-02-17T03:56:00.000-08:00

2011-02-16T02:18:00.000-08:00

2011-02-13T12:38:00.000-08:00

2011-01-19T02:26:00.000-08:00

TAMÉN TEMOS IDEAS PARA celebrar o DÍA DA PAZ...

-Greguerías
- Cancións en varios idiomas
- Que pasaría se................ todos os fusís disparasen papoulas...oh

- Debuxos , caligramas
- Xeroglíficos
- Frases célebres...

Por exemplo esta canción que imos cantar e bailar o alumnado de 6º de Primaria nun concerto o

vindeiro 14 de Marzo:

I'm riding on a camel Montando nun camelo

Sleeping on a dune. Durmindo nunha duna

I'm walking in the jungle Andando pola xungla

In the afternoon Nunha tarde dura.

And everywhere people stare E por todas partes xente mirando

Why at me? ¿Por que a min?

Who is strange. Me or them? ¿Quen é o estraño, eu ou eles?

Then we smile and now we'are friends. Despois sorrimos e somos amigos

Hassan in Morocco Hassan en Marrocos

Nicole in Congo Nicole no Congo

I meet a lot of kids Atopo moitos rapaces

Africa Africa

We look for a leopard Buscamos un leopardo

We dance in the dessert Bailamos no deserto

We climb a pyramid Trepamos a unha pirámide

Africa Africa

I'm from Chicago Son de Chicago

And you're from Spain E ti es español

She's from Moroco Ela é de Marrocos

And we're all the same E todos somos iguais

You don't like somebody Non che cae ben alguén

Because of where they're from Polo lugar de onde é

You like someone because they're nice Gústache porque é agradable

And because they're fun. E porque é divertido.

2011-01-19T02:13:00.000-08:00

CONCURSO

PALABRAS PARA NAMORAR

2011

-Xa podes pór a proba a túa creatividade:

- Poemas
- Cartas
- Mensaxes ( tamén sms)
- Greguerías
- Narracións
- Caligramas
- Diálogos
- Cancións

Todo vale para expresar como te sentes cando Cupido chama a túa porta

A entrega de traballos remata o 28 de Febreiro

CANTIGA DE BERCE POLO NADAL

2010-12-22T04:16:00.000-08:00

Durme, meu fillo

durme tranquilo

que vén o Apalpador

deixarche un regaliño.

Aí vén o Apalpador,

o carboeiro do Courel,

vive ao pé do carbón

trae castañas con mel

e tamén trae turrón.

Dende os cumes do Courel

trae as castañas quentiñas

para que nenos e nenas

as coman á mañanciña.

O Carboeiro vén correndo

tede a barriga cheíña,

tende coidado, meus nenos,

de que non vos leve axiña.

2010-12-15T09:51:00.000-08:00

2010-12-15T02:22:00.000-08:00

PREMIOS CONCURSO “OUTONANDO”
2010

PREMIO MELLOR RELATO (Secundaria):Lucía Surribas (4º ESO)

PREMIO MELLOR RELATO (Primaria):Sandra Caíño (6º curso)

PREMIO MELLOR DEBUXO: 4º Primaria, (colectivo)

PREMIO MELLOR MANUALIDADE:
Sheila Nóvoa e Miriam Carballo N(3º Primaria)
Alumnado de PT (1ºCiclo Primaria)
Alumnado de 2ºA (Primaria)

2010-12-09T04:10:00.001-08:00

OUTONO CHUVIOSO

Outono outonando
Chove de vez en cando.

Outono outonán
Móllame o chan.

Outono outonombo
Píngame o lombo.

Outono outoniño
Bota un pingüiño.

Outono outoneiro
Na túa época saen os cogumelos.

Outono outonín
A xente asústase co Samaín.

Outono outonallo
Un bolo preñado.

Outono outollás
As árbores raparás.

CELIA GUZMÁN e ADRIÁN PEREIRA (6º PRIMARIA)

2010-11-23T05:26:00.000-08:00

2010-11-17T00:27:00.000-08:00

HISTORIAS PARA SAMAÍN

Cando o rapaz saíu da cociña encontrouse cunha risa malévola…Na parede estaba pintado: “TI SERÁS O SEGUINTE”. Dirixiuse á porta e atopou nela un individuo con careta…
Ao espertar atopouse na cama empapado en suor. Todo fora un soño, pero…¡a pintada seguía alí!

FRANCISCO BLANCO (3ºESO A)

Era robusto e tiña a pelaxe abundante e negra como o carbón. Os seus ollos eran dunha cor encarnada brillante…Fun dando pasos, consciente de que, se agora me puña a correr, coas pernas paralizadas como tiña, caería apenas comezase a moverme...

Sentín outro ruxido que fixo tremer o chan…Espertei suando e tremendo coma unha folla…

JANET MONTEIRO (3º ESO A)

Foi entón cando comecei a decatarme de que estraños ruídos proviñan de toda a casa. Baixei. A porta estaba aberta. Cerreina de contado. Unha man tocoume o ombreiro!. Tentei mirar quen era. Só puiden ver unha luva de cor negra. Non me puiden virar…
O terror invadiume o corpo.

NATALIA RODRÍGUEZ (3º ESOB)

Aínda despois de pasar moitos anos, ninguén se atreveu a comprar aquela casa. Mercouna unha familia, vendo o seu baixo prezo. Declararon non poder baixar nunca ao soto, porque ao facelo, comezaban a sentir frío
e a sensación de seren perseguidos por alguén…No xardín ás tres da mañá sempre
se escoita a mesma risa macabra…
O espectro daquela muller dá voltas pola habitación, chora en silencio e a súa risa trasfórmase nun laio de rabia.

DÉBORA (3º ESO A)

...E alá fomos. María era moi valente
e eu trataba de dar a mesma impresión, pero, claramente, estaba a piques de chorar. De súpeto escoitei falar a un home …era a radio!...Acendérase soa!!! Eu xa non sabía se saír correndo…Permanecín quedo, pero cando me recuperei …oíno!, oín a Lois. Xúroo! Sentín unha mistura entre medo e humidade.

LÍA PEREIRA (3º ESO A)

O vento movía as follas das árbores que facían un son moi agudo, coma cando un asubía . De repente quen aparece non é Xosé senón un morcego negro con ás enormes . Jacob quedou petrificado sen saber que facer…
De súpeto sentiu aqueles dentes brancos afiados coma coitelos e dende aquela Jacob convertérase en vampiro e nas noites de Samaín sae a chucharlle o sangue a todos os que estean no monte.

DAYNÉ SÁNCHEZ ( 3º ESO A)

Camiñamos moi decididos, pero ao chegar alí un frío arrepiante empezou a pórnos a pel de galiña. Algo malo ía pasar. Decidimos liscar, pero a sorpresa foi que ao fondo do camiño polo que tiñamos que saír, había un ser estraño, grande e agochado. Eu batía os dentes
e Laura non paraba de chorar.
De repente o vulto levantouse e díxonos:

“Tranquilos nenos, que somos nós!!!”

MARTA VÁZQUEZ DACAL (4º ESO A)

Na noite de samaín os adultos apagaban as luces e agardaban a que a noite volvese a tocarlles o lombo. E a quen lle tocase é que ía morrer nese mesmo ano. Esa noite era especial. A xente tentaba vestirse de xeito fúnebre para evitar a atención da morte….

JOEL LOVELLE SEOANE ( 4º ESO B)

A néboa comezaba a esvaecerse nese lado da casa e puiden ver aos lobos fitando cara a min e salivando ao ulir a súa próxima comida. Sorrinlles e eles en resposta alzaron o volume dos seus ouveos en compenetración tal que semellaban a orquestra dirixida pola batuta
dun director.
LUCÍA GARCÍA SURRIBAS (4º ESO A)

2010-11-09T05:25:00.000-08:00

2010-10-25T03:36:00.000-07:00

A CASTAÑA PILONGA

Érase unha vez unha castaña chamada Pilonga. A Pilonga encantáballe o outono porque era a época das setas.

Un día foi chamar á súa curmá Pepa e á súa irmá Loli:

-Pepaaa, Loliiii. ¿Queredes vir ás setas ou aos cogumelos se vos gusta máis?

-¡Vale!- dixeron.

Puxeron as botas, unha viseira, colleron unha cesta e marcharon cantando e asubiando polos sendeiros que ían ao bosque.

De súpeto atopáronse coa súa veciña Esplendidia.

-¡Ola Esplendidia!Ti saberías dicirnos onde hai setas?- dixéronlle.

-Pois claro que si, vinde tras miña, xa veredes cantas atopamos.

Andiveron ata un silveiro.

-Aquí hai moitas- dixo Pepa.

Despois atravesaron un camiño cheo de herbas. Ao pasar as herbas toparon cun home chamado Pepiño que tiña moitas cabras.

-¡Ola Pepiño! ¿Ti saberás on de hai setas?

-Si, alí hai moitas, naquel prado.

-Grazas pola información- dixo Loli.

Déronse de conta que Pepa escapaba correndo porque lle tiña moito medo aos cans e ás cabras.

Despois camiñaron un pouco ata unha carballeira.

-¡Mirade, aquí hai moitas!-dixo Loli.

De repente escoitaron un ruido e foron correndo a ver que era.

Unha moto pasou diante delas a toda velocidade. Montaran un circuíto de motos alí mesmo.

-Agora ímos para casa. Xa temos moitas e non me gusta este barullo.

Marcharon e ao chegar loli tivo unha gran idea.

-¿Por que non invitamos ás nosas amigas e amigos a unha festa?

-¡Pois claro. Boa idea!

E na festa fixeron un revolto de cogumelos

SARA GONZÁLEZ 3ºA (PRIMARIA)

2010-10-21T03:22:00.000-07:00

O OUTONO

Naquel mes do verán

aló no caluroso Agosto

púxose a contar o home

e cando parou xa era o Magosto.

No tempo da vendima

cando dá froito o bidueiro

a xente deste sitio

marcha toda para Cudeiro.

Aquel home vén vestido

na cabeza leva un sombreiro

cando viu a árbore, abaneouna,

pois era un castiñeiro.

BRAIS FERNÁNDEZ 5º A

POEMA DE OUTONO

2010-10-20T05:02:00.000-07:00

2010-10-04T05:08:00.000-07:00

CONCURSO “OUTONANDO”

¿Queres participar?

-Podes presentar manualidades (cos produtos da tempada), debuxos, refráns, poemas, lendas ou relatos que teñan como temas o Magosto, o Outono, o Samaín ...
-…E para os que aínda non saiban escribir, poden presentar algún debuxo ou manualidade relacionados con eses temas.

-Remata o prazo o día do San Martiño (11 de novembro).

- ¡Os mellores serán premiados!

2010-09-10T03:21:00.000-07:00

Benvidos Faíldiños e faíldiñas!

Un curso máis a comezar. Espero que veñades con ánimo para enfrontarnos a novos retos, xuntos poderemos levalos moito mellor.

Lémbrovos que tedes unha chapa identificativa e anímovos a levala con orgullo.

Folletos informativos

2010-06-09T05:46:00.000-07:00

Folletos informativos

View more presentations from pazlorenzo.

LUNS: VISITA DE SECHU SENDE

2010-06-07T11:03:00.000-07:00

Ás veces non é doado para un neno entender aos maiores. Teñen cada cousa... perden a lingua, encabúxanse por nada... Son coma nenos, cativos vestidos con pantalóns que lle veñen grandes.

Con estas pequenas dramatizacións pretendemos amosar a necesidade de entendemento no mundo dos grandes... e máis no dos pequenos.

Adaptación teatral dos textos:

"Oficina dos obxectos perdidos" de Sechu Sende.
(Interpretado por Ricardo e Erika de 3º de ESO B)

"Nin en soños vou perder a miña lingua" de Sechu Sende.
(Interpretado por Laura Salgueiro de 4º de ESO B)

"Os grandes" de Neira Vilas.
(Por María Fdez de 3º de ESO A)

"A fala é o único sítio onde seguen vivos os antepasados, a única forma audible de supervivencia" Uxío Novoneyra

Xosé Luís González Sende, iniciouse como poeta vinculado ao Colectivo Poético Serán Vencello, formando parte da xeración dos 90. Despois revelouse como un dos grande narradores do século XXI. É licenciado en Filoloxía Galego-Portuguesa.
PUBLICACIÓNS: "Odiseas" (1998). Poesía.
"Orixes" (2003). Novela. Premio Blanco Amor
"Made in Galiza" Premio Anxel CasalConsiderado como o Mellor Libro do Ano pola Asociación de Editores Galegos

Representacións Teatrais

2010-06-04T07:19:00.000-07:00

Representación: "A Esmorga"

2010-06-03T11:18:00.000-07:00

PROGRAMA DA SEMANA DAS LETRAS GALEGAS

2010-05-31T01:17:00.000-07:00

PROGRAMA DA SEMANA DAS LETRAS GALEGAS
CALENDARIO SEMANAL

LUNS, 31 DE MAIO ( de 12, 20 a 14,00)

- Chegada ao centro do escritor Sechu Sende ( benvida, dramatización e charla)

- Representación de “A Pepa Loba”(Primaria, ás 14,30

MARTES, 1 DE XUÑO (30 minutos)

-Adaptación teatral con marionetas de “A esmorga” ( de E. Blanco Amor)

-Tamén para primaria

MÉRCORES, 2 DE XUÑO ( toda a mañá)

- Realización dun treito do Camiño de Santiago con dramatización no camiño de “A Pepa Loba” (Secundaria)

- Edición da Revista Escolar “Furafollas 2010”

XOVES

- Xabier Blanco: “Percorrido pola música galega tradicional” ( unha hora para Primaria -de 10.30 a 11.30 e outra para Secundaria- de 12.30 a 13.30 )

VENRES,3 DE XUÑO ( 30 minutos)

- Representación da obriña teatral “Era unha vez unha clase …” feita polos profesores do centro.

- Representación teatral da obriña “No autobús escolar”

2010-03-09T00:51:00.000-08:00

¡ Atención, faíldiñas e faíldiños!

¿ Queredes participar na nova edición da revista escolar, O Furafollas 2010?

Velaquí algunhas ideas que poden axudarvos, tendo en conta a vosa idade e ciclo:

- ETAPA INFANTIL:

Debuxos

- PRIMARIA:

1º ciclo: debuxos.

2º ciclo: adiviñas, contos, refráns, chistes , debuxos...

3º ciclo: comics, contos, chistes, debuxos, sopas de letras, poemas...

- SECUNDARIA:

1º e 2º ciclo: artigos de opinión, lendas, comics, poemas, contos, adiviñas, adicatorias, encrucillados e… outras historias.

¡ Non vos descoidedes ! Remata o prazo o día 30 de Abril.

2010-03-02T05:35:00.000-08:00

PREMIOS DO CONCURSO “PALABRAS PARA NAMORAR”

Premio Mellor Poema. Secundaria: LAURA SALGUEIRO 4º ESO

Premio Mellor Poema. Primaria: DANIEL GLEZ PAULO 6º PRIMARIA

Premio Mellor Narración. Secundaria: DAMIÁN CONDE 4º ESO

Premio Mellor Narración. Primaria: CLAUDIA ESCAPA 6º PRIMARIA

Premios Mellores Manualidades: SANTI, HÉCTOR (PRIMARIA)

Colectivo: 1º e 2º de PRIMARIA

2010-02-11T06:15:00.000-08:00

Queridísima avoa :

Hai tres anos que non te vexo e estráñote. Pola noite penso en ti e é entón cando sei que non te vou volver ver. Supoño que ti desde aí arriba me estás vendo .

Teño moitísimas ganas de darche unha aperta moi forte e non soltarte nunca. Dende que te fuches ese Nadal, esa época está chea de tristura e xa non é a mesma sen ti. As panxoliñas xa non teñen música, os regalos xa non son sorpresa.

Espero que estas verbas cheguen a ti. A verdade, non sei como!

Espero que estas verbas non sexan verbas gardadas nun caixón. Esquecidas.

Bicos

CLAUDIA ESCAPA (6º PRIMARIA)

2010-02-11T06:11:00.000-08:00

SEN BARREIRAS

Amor: verba

Rula: verba

Agarimo : verba

Ceo: verba

Quérote: verba e verbo, ELA e EL

Dous e dous, SEN CATRO
. Relación , sen amor, TEATRO
. Un e un , SON DOUS ¡DOUS!

MATERIA PRIMA

Respecto+ apoio + compromiso= sinxelo
Eu e mais Ti = O CEO

LAURA SALGUEIRO ( 4º ESO B)

2010-02-11T06:10:00.000-08:00

NA TENDA DAS PALABRAS

Ana convidárame á súa festa de aniversario e eu non sabía que palabra mercarlle(…)

Quería algo que fose orixinal e ao mesmo tempo que lle gustase…

No escaparate había o de sempre: para as vodas, un “ que sexades moi felices”; para o día de San Valentín, un “Quérote”… Decidín entrar e a dependenta preguntoume:

-Pódolle axudar?

- Si…-contesteille nerviosa – A miña mellor amiga celebra o seu aniversario e quero comprarlle unha frase especial.

- Velaquí ten o catálogo. Hai de todo: simples palabras, frases, oracións compostas…

- Verá… eu quería… unha frase diferente que exprese todo o meu agradecemento cara a ela e ao mesmo tempo que a poida definir.

- Iso vai ser difícil: precisará mercar algún verbo, algún adxectivo… A cousa será algo custosa.

…

Non sei canto tempo pasei alí pasando páxinas, pero cando ía saír vin unha palabra que significaba moito para min e para ela tamén:

AMIGA.

Souben entón que non fai falla gastar moitos cartos para desexarlle o mesmo que ela me desexaría a min.

ROXANA DOVAL BLANCA (4º ESO B)

2010-02-09T06:19:00.000-08:00

EMIGRANTE

Distancia Frío Mocidade Soidade

Recordos esvaecidos no tempo… Os verdes prados, a música acompasada da choiva escorrendo polas túas meixelas. Respirar e sentir como viaxa o arrecendo único da túa figura polas miñas veas. Miro arredor e sinto que me falta algo meu. Ergo a vista e sinto que me falta algo meu, Es ti. Alzo a vista e non te vexo máis alá do horizonte. Mais teño medo de esquecerte…

Formas parte de min. Fuches ti a que me deu a vida e a que me viu medrar, vivindo protexido na túa pel, sempre húmida e morna, coa que compartín momentos inesquecibles. É a ti a quen lle debo todo, pero o sufrimento, a dor, a fame…afastáronme de ti. Tiven que abandonarte e comezar unha vida lonxe, aínda que sempre estiveches aquí pertiño, no meu corazón.

Sei que voltarei a ver o teu fermoso rostro algún día e descansando para sempre na túa man, a carón do teu latexo e sentirei que esta terra está viva eternamente.

Sempre miña, GALICIA.

DAMIÁN CONDE ( 4º ESO)

concurso PALABRAS PARA NAMORAR

2010-01-18T04:33:00.000-08:00

CONCURSO “PALABRAS PARA NAMORAR"

¿Queres participar?

-Podes presentar poemas, cartas, relatos, lendas…que teñan como temas o amor e a amizade.

-…E para os que aínda non saiban escribir, poden presentar algún debuxo relacionado co tema.

-Remata o prazo o día 18 de febreiro .

- ¡Os mellores serán premiados!

Noiteboa en Galicia

2009-12-22T04:47:00.000-08:00

Nunha casa de Galicia, Papá Noel e o Apalpador, acaban de coincidir:
-Oes, boneco! Ti que fas na miña terra? -pregunta o Apalpador.
-Ho, Ho, Ho, Ho! Pensei que eras unha lenda! -responde Papá Noel.
-E ti non se supón que tamén deberías selo?
-Iso é o que din os maiores. Non sei que lles fan os pais aos cativos que dun ano para o outro moitos xa non cren en min.
-Pero ti de que país vés? Non sabes que estamos en crise? -reaccionou o Apalpador.
-Non, non! Este problema xa vén dado de sempre. -Respondeu Papá Noel.
-O que pasa é que os rapaces prefírenme a min. Ha, Ha, Ha!
-Non me fagas rir! Cantos países tes ti? A metade de un. E eu? O mundo enteiro! -dixo Papá Noel orgulloso.
-Mira ti... Eu polo menos non levo un traxe tan feo e rechamante coma o teu. Algún día serei máis famoso ca ti.
-Ha, Ha, Ha! Avísame cando os da Coca-Cola te collan para facer un anuncio tan bo coma o meu -respondeu sarcasticamente Papá Noel.
Debido ao balbordo que montaron, toda a familia desa casa os miraba con abraio.

(...)

-Mamá, por que me dixestes que estes homes eran lendas? -preguntou o fillo adolescente da familia.

Lucía Montáns 4º ESO

2009-12-22T04:38:00.000-08:00

O RETORNO DO APALPADOR

Un día o Apalpador preparouse para o gran acontecemento esperado por moitos nenos, o día 24 de decembro.
Ese día comezou a entrar polas chemineas de todos os nenos e nenas de Galiza.
Estivo traballando toda a noite, deixándolles aos nenos xoguetes naturais, feitos de madeira e materiais reciclables. De súpeto atopouse con Papá Noel e os dous comezaron a discutir. O Apalpador recrimináballe o feito de darlles aos nenos xoguetes de plástico. Papá Noel contestoulle que realmente eran os que os facían felices. Estiveron máis dunha hora co debate ata que comezaba a amencer e moitos nenos despertábanse sen atopar ningún agasallo. Papá Noel dixo que fora todo culpa do Apalpador que o secuestrara nun cuarto escuro. O Apalpador moi decepcionado estivo un tempo reflexionando sobre se debía seguir co seu traballo.
Finalmente, o ancián galego do Nadal decidiu tomar unhas vacacións e esquecerse dos problemas que tiña. Estivo dez anos sen facer regalos, ata que este ano decidiu volver. Tomou tal decisión despois de que comezou a notar o cambio climático. Dende entón, el é o primeiro en darlles os regalos aos rapaces.
Así como vos digo comezou "O retorno do Apalpador" en Galiza, coa súa popularización en diversos núcleos de poboación. Este ano chegou a Cambeo.

Julián Vidal 4º ESO

2009-12-21T05:06:00.000-08:00

Despois da visita do Apalpador, Apalpabarrigas ou Pandegueiro debuxámolo. E aínda nos quedou ben "chuli", ¿non si?

2009-12-21T00:30:00.000-08:00

Veunos visitar o Apalpador para apalparnos as barriguiñas e contarnos contos.
Como ao apalparnos non atopou que pasabamos fame falounos da comida sa.

2009-12-21T00:29:00.000-08:00

O contacontos Anxo Moure nunha das súas visitas regalounos un conto ecoloxista no que o protagonista é o neno da nosa fonte. Un alumno de Primaria debuxouno e este foi o resultado.

Historias de Samaín

2009-12-03T10:32:00.001-08:00

Premios concurso "OUTONANDO"

2009-12-01T00:54:00.000-08:00

PREMIOS CONCURSO “OUTONANDO”

PREMIO MELLOR RELATO: Adriana Diéguez (4º ESO)

PREMIO MELLOR POEMA: Laura Mosquera (6º de Primaria)

PREMIO MELLOR DEBUXO: Brais Nóvoa e Andrea López (4º Primaria)

Infantil- 5 anos (colectivo)

PREMIO MELLOR MANUALIDADE: Curso 2ºde Primaria (colectivo)

Presentación

2009-11-23T05:11:00.000-08:00

Ola:

¿Coñécesme?

-Pois eu sonche o Faíldiño, a mascota do ENDL (Equipo de Normalización e Dinamización Lingüística) do cole. E ...¿sabes a que nos adicamos? ¿Aínda non?

Pois velaí algúns dos nosos cometidos:

- Promoción do uso da nosa lingua en calquera situación ou contexto.

- Programación de actividades relacionadas con distintas celebracións ( O Samaín, O Nadal, O Entroido, O Día da Paz...)

- A Semana das Letras Galegas ocupa un lugar especial desde hai varios anos ( conferencias, entrevistas, representacións teatrais, elaboración de material con lema relativos á lingua...)

- Elaboración da revista escolar "Furafollas"

- Organización de concursos...

2009-11-23T05:06:00.000-08:00

O RAP DO FAILDIÑO

¿Ti de onde es?
¡Eu son de Galiza!

¿ E de que colexio?

Eu son o faildiño

e falo galego

Antes de nada

terei que dicirvos

que a nosa lingua

fálase en Asturias,

tamén, como non,

en León

e os zamoranos din…

“xogamos?”

A historia comezou

con uns devanceiros:

os preindoeuropeos

que dixeron ben ledos:

“amorodo”, “caxigo”

e “ carrasco”

Algo máis tarde

chegaron os celtas e dixeron:

“berce, “ carballo”,

“ cervexa”

e logo despois
os romanizadores,

os latinizadores

chegaron e encheron

os nosos arredores.

Xa logo entraron e arrasaron

vándalos e suevos

uns pobos guerreiros

que dixeron :
“xinete”, “frecha”,

“espeto”

E despois que?

despois os árabes,

que entraron polo sul

E dixeron:

“xadrez”, “almanaque”,

“azul”

No século IX

naceu o galego

E un rei castelán,

que era moi sabio,

á nosa señora cantoulle ben ledo

¿Ti de onde es?

¡Eu son de Galiza!

¿E de que colexio?

Eu son faíldiño e falo galego

De boca en boca

trobadores e segreis

nobres e mosteiros

fixeron desta lingua

O centro do universo

Chegaron estranxeiros

e a nosa igrexa

Apuntouse sen rodeos

Nos Séculos Escuros

Non existen documentos

Aínda temos sorte:

contamos con Sarmiento

que xunto a Rosalía,

Curros e Pondal

Trataron o galego

Como se merece

¿Ti de onde es?

¡Eu son de Galiza!

¿E de que colexio?

Eu son faíldiño e falo galego

Tamén as Irmanadades,

¿Cales?

As Irmandades da Fala

que moito o gaban

e tamén o falan

O bo do Castelao,

Risco e Cuevillas

E Otero Pedrayo

Fixeron outro tanto

Pero a nosa lingua

entrou en decadencia,

enfrontouse á guerra,

e tamén á dictadura.

¡Que dura!

O galego sobrevive

Aí está, aí está…

agardando, ser libre

ser libre

¿Ti de onde es?

¡Eu son de Galiza!

¿De que colexio?

Son faildiño e falo galego

Xa na democracia

o galego é oficial.

De alí en diante

Dálle ti,

e ti,

prestixio social

Fálao, úsao.

O galego ten que ter

Dereitos a varrer

DEREITOS A VARRER!

2009-11-19T05:49:00.000-08:00

REGUEIFA ENTRE O SAMAÍN E HALLOWEEN

PRESENTACIÓN

No mes de setembro,

despois das patacas

outubro nos chega

con cara de faba.

E velaí vén novembro,

cheo de castañas

e cunha raíña:

que é a cabaza!

----------------

SAMAÍN: Xa está aquí este "snob"
con cara de medo,
que quere roubarnos
os nosos ancestros.

HALLOWEEN: Mira ti quen fala,
que de non ser por min,
ninguén sabería
quen é Samaín.

SAMAÍN: De orixe común nada

mira ti que cores

laranxa de día,e de noite negro,

mira ti que cara!

HALLOWEEN: Pois ti, espantallo.

¿Con quen te codeas?

Para que o saibas,eu veño de América,

leváronme alí e fíxenme urbano.

S: ¿Con quen me codeo?

Eu, co magosto,

que é do meu tempo.

¿Tes ti, acaso, tan bo compañeiro?

H: Anda, ¡que listo!

Eu son internacional,

en cada país teño colegas

que non me tratan nada mal.

S: Non vaias por aí

de "yes, yes" moderno,

deixándome a min

por can de palleiro.

A ver se te enteras:

eu son vangardista,

enxebre e GALEGO!

¿Decátaste ou non te pispas?

H: Decátome, neno,

e deixa a regueifa,

pois eu, Halloween,

nacín coma ti na cova dos celtas.

CANTAR DE CEGO

2009-11-17T05:38:00.000-08:00

Miñas donas e señores
que facedes o magosto
contovos a receitiña
dunha xente de bo gosto

No lugar de Cambeo,
na provincia de Ourense
cociñaban as castañas
e comíanas ben quentes.

Precísase manteiga,
sal e allo moído,
unha copa de coñac
e un porquiño ben feitiño.

Xúntase todo xuntiño
logo córtase en talladas,
para que saiban en Vigo
como se fan as castañas.

Todo se rega con viño
e con zume de laranxa
para que este bacoriño
saiba ben coas castañas.

EDU e DANI (6º PRIMARIA)

Concurso"OUTONANDO"

2009-11-16T05:46:00.000-08:00

Este mes de novembro, coíncidindo coa celebración do Samaín, organizouse o concurso "OUTONANDO" no que participou o alumnado de Infantil ( coa decoración de cabazas e outros produtos do outono), Primaria( realización de debuxos e textos alusivos a Samaín e Halloween) e Secundaria ( creación de textos con temática de medo ou misterio )