REMATA O CONCURSO "NAMÓRAME EN GALEGO"

Rematou o concurso e isto foi o resultado:

OS NOSOS MECOS DE ENTROIDO

Os nosos Mecos están chamando ao Entroido tradicional: poñer farrapos vellos para non ser recoñecidos e gastar bromas aos que si coñecemos. Isto non gusta moito aos nosos rapaces e rapazas que prefiren parecer princesiñas ou superheroes. Aínda que os mecos sempre os fan rir, ou darlle medo aos máis pequenos. E a receita contra ese medo é superalo gracias a velos con normalidade.

 

DÍA de ROSALÍA

Con motivo do nacemento de Rosalía de Castro o EDLG elaborou un panel na entrada do colexio coas frases e poemas máis famosos  da escritora. En fronte outro mural con imaxes POP ART do seu rostro, aproveitando que o colexio está nun COMENIUS e "A cultura Pop en Europa" é o tema a traballar nos distintos colexios europeos (Alemaña, Portugal, Italia, Romanía, Polonia, Bulgaria e nós).

                                      

NAMORADOS EN ACCIÓN

O AMOR...

o amor é un sentimento

no que sobran as palabras,

con un so xesto,

xa podes quedar namorado.

E con esa mirada

que a min tanto me gusta

xa non me fai falta máis nada

                                                              

                                                             Andrea Rguez Cortiñas

O amor é bicarte nos teus beizos de caramelo,

mirarche cara os ollos e sentir a cor azul ceo.

O amor é coma a choiva, ás veces cae moito

e outras cae pouco.

Eu regalariache unha rosa e un poema

pero iso para min é un problema.

Brais Nóvoa

CELEBRAMOS O DÍA DA PAZ

Celebramos o día da PAZ con actividades dentro e fora da aula. Aproveitando que estamos inmersos no COMENIUS e que o tema de estudio é o POP ART as nosas creacións tamén teñen un toque pop. Aí vai algunha proba:

CONVOCATORIA do concurso "NAMÓRAME EN GALEGO"

CONCURSO "NAMÓRAME EN GALEGO"

 Cartas, poemas, narracións, debuxos, slogans, diálogos, SMSs, whatsapps, manualidades... e todo o que se che ocorra que teña relación co amor, a amizade, a paz e os anceios de gustar a outros.

         Recollida de traballos ata o 28 de febreiro. ¡Ádiante, ao imaxinación ao poder!

           

ROTEIRO de "A ESMORGA"

Xa no primeiro trimestre o alumnado de ESO desprazouse ata Ourense para realizar , coma noutras ocasións o roteiro de A esmorga. Foi unha actividade literario-deportiva,os alumnos levaban por grupos un mapa de orientación para atopar cada una das placas e, identificado o achadego, procedían á lectura en voz alta de cada unha delas, facendo comentarios sobre a lingua de Cibrán Canedo, o narrador da novela. O máis chamativo foi o entusiasmo dos rapaces por atopar as placas e o gañador foi o grupo de Kevin Biéitez, de 2ºB, que foi agasallado cun roteiro plastificado a toda cor.