REVISTA FURAFOLLAS 2014

ÁNIMO COMPAÑEIROS, XA ESTAMOS NA TERCEIRA AVALIACIÓN E XA SE ACHEGA O VERÁN, AINDA QUE A CHOIVA NON NOS DEIXE VER O SOL.


E XA SABEDES A REVISTA “FURAFOLLAS” ESTÁ AGARDANDO POLOS VOSOS TRABALLOS: historias, contos, refráns e ditos, pasatempos, debuxos, comics…e todo aquello que se vos ocurra e poida caber nunha revista.
AGARDAMOS IMPACIENTES A VOSA CREATIVIDADE E A VOSA CIENCIA

Remata o prazo o 15 de MAIO.

LEVAMOS O GALEGO POR EUROPA

Viaxamos por Europa e levamos o galego connosco alí onde imos.
A estas alturas do curso as escolas que están no noso COMENIUS: Hungria, Rumanía, Alemaña, Italia, Polonia e  Portugal, e tamén as familias que acolleron ao noso alumnado; xa saben que temos lingua propia, que falándoa entendémonos perfectamente cos portugueses e que nos serviu para entendermonos en
italiano. Os poloneses son da Galicia polaca e quedamos en averiguar que máis similitudes temos entre nós.
     O tema a tratar e a cultura pop en Europa e os galegos tamén temos algo que aportar.

REMATA O CONCURSO "NAMÓRAME EN GALEGO"

Rematou o concurso e isto foi o resultado:

OS NOSOS MECOS DE ENTROIDO

Os nosos Mecos están chamando ao Entroido tradicional: poñer farrapos vellos para non ser recoñecidos e gastar bromas aos que si coñecemos. Isto non gusta moito aos nosos rapaces e rapazas que prefiren parecer princesiñas ou superheroes. Aínda que os mecos sempre os fan rir, ou darlle medo aos máis pequenos. E a receita contra ese medo é superalo gracias a velos con normalidade.

 

DÍA de ROSALÍA

Con motivo do nacemento de Rosalía de Castro o EDLG elaborou un panel na entrada do colexio coas frases e poemas máis famosos  da escritora. En fronte outro mural con imaxes POP ART do seu rostro, aproveitando que o colexio está nun COMENIUS e "A cultura Pop en Europa" é o tema a traballar nos distintos colexios europeos (Alemaña, Portugal, Italia, Romanía, Polonia, Bulgaria e nós).

                                      

NAMORADOS EN ACCIÓN

O AMOR...

o amor é un sentimento

no que sobran as palabras,

con un so xesto,

xa podes quedar namorado.

E con esa mirada

que a min tanto me gusta

xa non me fai falta máis nada

                                                              

                                                             Andrea Rguez Cortiñas

O amor é bicarte nos teus beizos de caramelo,

mirarche cara os ollos e sentir a cor azul ceo.

O amor é coma a choiva, ás veces cae moito

e outras cae pouco.

Eu regalariache unha rosa e un poema

pero iso para min é un problema.

Brais Nóvoa

CELEBRAMOS O DÍA DA PAZ

Celebramos o día da PAZ con actividades dentro e fora da aula. Aproveitando que estamos inmersos no COMENIUS e que o tema de estudio é o POP ART as nosas creacións tamén teñen un toque pop. Aí vai algunha proba: