Chegou o día de poñer á vista todo o noso traballo destes días. Hoxe, venres pola tarde, invitamos aos pais e nais do noso alumnado para que viran o noso desfile.
"No corazón da fraga" de Fdez Naval servíu de inspiración para o noso guión:
Comezamos co desfile de árbores da fraga, despois cogumelos e flores silvestres, a chuvia e os arcos da vella tamén fixeron asúa aparición, seguiron algúns dos animaliños (mouchos, coellos e osos) que habitan no corazón do bosque e rematamos cun toque de fantasía que puxeron os máis pequenos inundando de elfos o noso espazo. Todo isto amenizado con música axeitada a cada comparsa.
Foi unha lástima que o tempo non nos permitira a celebración no patio ao aire libre. Tivemos que transladarnos ao ximnasio e alí todo foi máis reducido.
Para celebrar este día especial a biblioteca e o Equipo de Dinamización Lingüística Galega prepararon actividades especiais:
Como vén sendo habitual nesta época, o centro engalánase para celebrar esta festa tan tradicional e tamén tan máxica. Neste concello, nun lugar chamado Vilarnaz, celébrase tradicionalmente un Entroido moi concurrido. E nós intentamos recoller esa tradición local para axeitala á nosa realidade.
Presentamos a proposta de disfrazarnos de Ecosistema de bosque galego e así cada grupo de alumnos e alumnas por nivel elexiron en concreto a súa maneira de contribuir. Así uns irán de árbores, outros de flores silvestres, de animais, de cogumelos... O venres pola tarde escenificaremos o acto final.
CONVOCATORIA do concurso
Unha vez rematado o proxecto para pedir as axudas da Xunta para o fomento da lingua galega, engadiremos na páxina web do centro o logo dos Equipos de Dinamización e unha breve descrición do noso.
E pensamos na convocatoria do concurso "Namórame en galego" para que todo o centro participe. A coincidencia do día de San Valentín co Entroido fainos retrasar un pouco a recollida de traballos para o mesmo.
